ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអនុញ្ញាតឱ្យបេក្ខជនជ័យលាភីអាហារូបករណ៍រដ្ឋាភិបាលជប៉ុន ក្នុងក្របខ័ណ្ឌ កម្មវិធីអ្នកដឹកនាំវ័យក្មេង Young Leader’s Program ចូលជួបសម្តែងការគួរសម និងទទួលអនុសាសន៍ណែនាំ
នាព្រឹកថ្ងៃទី០៥ ខែតុលា ឆ្នាំ២០២០ នៅវិមានព្រឹទ្ធសភា ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអនុញ្ញាតឱ្យបេក្ខជនជ័យលាភីអាហារូបករណ៍រដ្ឋាភិបាលជប៉ុន ក្នុងក្របខ័ណ្ឌ កម្មវិធីអ្នកដឹកនាំវ័យក្មេង Young Leader’s Program ចូលជួបសម្តែងការគួរសម និងទទួលអនុសាសន៍ណែនាំ មុននឹងចេញដំណើរទៅសិក្សានៅប្រទេសជប៉ុន។
បេក្ខជនជ័យលាភីអាហារូបករណ៍រដ្ឋាភិបាលជប៉ុននេះ គឺជាមន្រ្តីរាជការមកពីក្រសួងពាណិជ្ជកម្ម ក្រសួងសុខាភិបាល និងក្រសួងមហាផ្ទៃ ដែលនឹងត្រូវបន្តការសិក្សាថ្នាក់បរិញ្ញាបត្រជាន់ខ្ពស់រយៈពេល ១ឆ្នាំ នៅតាមសកលវិទ្យាល័យនានាក្នុងប្រទេសជប៉ុន៕
